-: ಮನದರಸಿ :-

"ಮನದರಸಿ"

ಬೆಚ್ಚನೆಯ ಕನಸೊಂದು

ಬಿಚ್ಚದೇ ಕೂತಿದೆ ಎದೆಯಾಂತರಾಳದಲಿ...

ನಿನ್ನೊಲುಮೆಯ ಕಾವು ಬಯಸಿ

ದುಗುಡದೀ ನಯನಗಳು

ನೋಡದೇ ಚಡ-ಪಡಿಸಿವೆ ನಿರಾಶೆಯಲಿ...

ನಿನ್ನ ಸ್ನಿಗ್ಧ ಸೌಂದರ್ಯವನರಸಿ

ಮೊಗ್ಗಿನ ಮನಸ್ಸೊಂದು

ಅರಳದೇ ಕಾದಿದೆ ಆಸೆಯಲಿ...

ನಿನ್ನ ಸೆರಗಿನಾ ಮೊನೆಯ ಸ್ಪರ್ಷವನರಸಿ

ಮನಸಿನಾ ಮಾತೊಂದು

ಹೊರಬರದೇ ತಡವರಿಸಿದೆ ತುಟಿಯಂಚಿನಲಿ...

ನಿನ್ನಂತರಂಗದ ಸಮ್ಮತಿಯನರಸಿ

ಬಿಸಿ ಬಯಕೆಗಳು

ಬಿಡದೇ ಸುಡುತಿವೆ ಬಿರುಸಿನಲಿ...

ನಿನ್ನ ಪ್ರೀತಿಯೆಂಬ ಕಡು ತಂಪನರಸಿ

ನೀನಿಲ್ಲದ ನಾನು ನೀರಿಲ್ಲದಾ ಮೀನು

ತಡವೇಕೆ ನಾರಿ ಒಲಿಯುವೆಯಾ ಕನಿಕರ ತೋರಿ ?

ಮಾನಸವಾಣಿಯಿಂದ,

-ಚಂದ್ರು